الجيل الثاني والثالث لأبناء وأحفاد رجال الأعمال، صَدرت الدراما وبعض منهم صوره سيئة جدًا لأبنائنا وأحفادنا الذي أصبح قدرهم استكمال مهنة الجيل الأول وتوارث الشركات حتي لاتنقرض، العيال دي ياريس طافحين الكوتة مع أن أغلبهم مايعرفش أيه هي الكوتة لأنهم تلقوا أحسن تعليم واكتسبوا أفضل خبرات واشتغلوا علي نفسهم وعلي أسماء عائلاتهم.
مش كلهم صيع ومستهترين وشمامين ومش كلهم راكبين عربيات وطايرين بيها فالساحل ولا أغلبهم هايف وتافه واسمه دودي وكوكي وبودي.. الشباب من سن ٢٠ وحتى ٤٥ رجالة زي الوتد مش زي الفل وبس، دول شايلين على عاتقهم البلد من هما أطفال، الرجاله دي ياريس هاتتفرط مننا لو حضرتك مالمتهمش في لقاء تحيهم وتشجعهم وتحفزهم وتصقفلهم وتتصور معاهم وتشوف ازاي حافظوا علي استثمار أهاليهم وإزاي طوروه وإزاي كبروه وإزاي بينافسوا بيه وإزاي بيبوسوا أبوهم وأمهم قدام الناس في ظل التشوهات اللي عايشينها كل يوم.
الشباب والرجالة دي يستحقوا يوم اسمه (الشركات العائلية) يوم كل سنه نقابل فيه الجد والإبن والحفيد.. يعرضوا تجاربهم الناجحة المستمرة، يارب يكونوا ألف عيلة، دول وراهم زحف، اليوم ده هايكون طاقة لسنة كاملة وهايكون حافز لكل عاجز يكون السنة اللي بعدها واقف علي رجله.. هابعتلك ياريس كشف وسيادتك عندك وعارف الأصل والفصل.
إمضاء..
عبير عصام.. عصام وعمر وعمار أبو الركب.. نور الدين عصام أبو الركب.
عضو مجلس إدارة غرفة التطوير العقاري باتحاد الصناعات