تتجاوز 170 مليار جنيه.. الرئيس السيسي يكشف تحديات قوائم الانتظار والعقارات غير الصالحة بالإسكندرية
أكد الرئيس عبدالفتاح السيسي، أن قوائم الانتظار تساهم فى حل المشاكل الصحية للمواطنين بدلا من انتظارهم شهورا أو سنين.
وقال الرئيس السيسي خلال كلمته بالمؤتمر الوطني للشباب في الإسكندرية: قوائم الانتظار تساهم في تدريب الأطباء من خلال حجم العمل المتزايد لأن قوائم الانتظار بتبقا دايما حالتها صعبة.. لما النهاردة خلال 4 سنين حجم قوائم الانتظار داخل في 2 مليون حالة وحجم الانفاق عليها وصل لـ 20 مليار منهم 16 مليار تم توفيرهم من قبل الدولة وعدة مليارات جاءت من الأزهر والبنوك ومؤسسات المجتمع المدني، وفى تقديري قوائم الإنتظار ليست فقط تساهم فى علاج الناس ولكن فى تدريب الأطباء من خلال حجم العمل المتزايد
تابع الرئيس: “احنا بنتكلم مش الأرقام كبيرة.. الفكرة كلها إن فيه كتير من الموضوعات لو كانت اتعملت في أماكن جديدة خالص مكنتش هتكلفنا التكاليف دي كلها نضطر نصلح في اللى احنا عملناه..بنحاول نصلح ثم نبني ونطور اللى احنا بنعمله والمكان الجديد أفضل كتير من الدخول في التخطيط السابق الذى تم تجاوزه من دون أن نوزع اتهامات ..لكنا احنا موجودين علشان نصلح ما أمكن أى حاجة يمكن نعملها”.
وحول محور الإسكان، تحدث الرئيس قائلا: “هتكلم على الإسكان كأحد المشاكل المزمنة من 300 – 400 ألف وحدة سكنية غير صالحة.. لو بنتكلم عن تكلفة هذه الوحدات لو حبينا نعملهم إسكان بديل بنتكلم لـ 300 ألف 150 مليار علشان تقول للناس إن المبنى ده غير صالح وغير قابل للإصلاح يبقا هبنيله وبعد كده أهد ده علشان غير صالح”.
