افتتح الرئيس عبد الفتاح السيسي اليوم الخميس، محطة تحيا مصر المتعددة الأغراض بميناء الإسكندرية.
وقال الرئيس السيسي في كلمته خلال الافتتاح : “كل اللي بنعمله مش علشانا إحنا علشان ولاد مصر وأحفادهم، وقبل كدا كنا بنقول للمستثمر خش اعمل الحاجة وبيصرف وياخد حق الانتفاع إحنا معملناش كدا، إحنا قلنا لكل الناس هنعمل حاجتنا ونطرحها وندي الفرصة للجميع”.
وأضاف الرئيس السيسي: “لما كنت بطلب من مستثمر واحد إنه ييجي ويشتغل ويعمل الحاجة شيء، وإن أنا عندي مكان وجاهز للشغل حاجة تانية”.
وتابع: “مشينا بنموذج تاني، آه مكلف علينا شوية ولكن فى النهاية بقيت أدي الفرصة لمشغلين آخرين، ودا اللي حصل وهتلاقوا الكلام دا فى الإسكندرية وأبو قير والعريش وجرجوب والسخنة”.
من جانبه، أكد الفريق كامل الوزير، وزير النقل: “فيه نموذج حضرتك وجهته، وهو إننا ننفذ البنية الأساسية بالكامل بشركات مصرية وأموال مصرية بدون أى قروض، وبنجيب مشغل عالمي زي السخنة ييجي ياخد حق انتفاع لإدارة وتشغيل البنية الفوقية لا يتملك أى شيء لمدة 15 أو 20 سنة ويديني العائد بالدولار”.
