سنتجاوز التحدي الاقتصادي وسيتحول لماضي مثل الإرهاب.. تعرف على ابرز تصريحات الرئيس السيسي اليوم
أكد الرئيس عبد الفتاح السيسي، أن الدولة استطاعت حل مشكلة المياه التي كانت تعاني منها محافظة مطروح منذ 7 سنوات، موضحا: “من 7 سنين كانت فيها مشكلة مياه.. وفرنا مياه شرب كامل لمطروح.. وفق خطة لتحلية المياه وتوفيرها للمدن الساحلية على البحر المتوسط.. برنامج محطات لتحلية مياه البحر ودي اللى هتوصل لأهالينا في المدن دي”.
لقاؤه مع أهالي مطروح
وأضاف خلال لقاؤه مع أهالي مطروح: “المطالب كتير لأن احنا متأخرين كتير.. ويمكن اللى بنقول بنشتغل على كامل الدولة قصدت بيها ان محتاجين نعمل كتير اوي.. مش طريق بس ومش مدرسة بس.. طريق ومدرسة وقطار وحاجات تانية كتير.. بنتكلم في 105 ملايين.. ولو مش اشتغلنا بهمة وعلى طول.. وأثناء كورونا كنا شغالين.. ودلوقتي شغالين وهنفضل شغالين كده”.
التحدي الاقتصادي
وتابع: “التحدي الاقتصادي اللى أنا شايفه، والحكومة واحنا كلنا هنقدر نتجاوز المرحلة دي ويبقي تاريخ.. وهيبقي تاريخ زي الإرهاب وهتبقي تاريخ بفضل الله سبحانه وتعالي والظرف الاقتصادي الصعب دي هيبقي تاريخ إن شاء الله… وننفذ شبكة طرق متكاملة في كل محافظة مطروح”.
الظرف الاقتصادي
وأضاف “الظرف الاقتصادي ده هينتهي.. لازم مش علشان انا موجود.. دي حكمة ربنا في الدنيا والمجتمع والعالم.. نقابل التحديات بالجهد والتخطيط والإرادة.. احنا في صراع مع ظروفنا.. والظرف الاقتصادي تحدي واحنا مصرين بفضل الله سبحانه وتعالي وقادرين على تخطي هذا الظرف”.
موضوع الناس متأثرة بيه
وأضاف “موضوع الناس متأثرة بيه أنا عارف.. والأسعار مرتفعة وانا عارف.. بنحاول بكل قدرة نقلل من تأثير الأزمة دي خاصة المواطنين اللى ظروفهم صعبة”.