أثناء زيارة الرئيس عبد الفتاح السيسي لمحافظة مطروح استوقفنى موقف الرئيس عند رده على أحد المشايخ قائلاً ( ماتقوليش كمل قولى هنكمل) فمصر تواجه هذه الأيام أزمة اقتصادية صعبة، فالمواطن يعيش ضغوط اقتصادية، ولكن فى الفترة الأخيرة الضغوط ديه ازدادت وأثرت على حياة الناس بشكل أكبر.
وكواحدة من أكبر التحديات اللي مصر بتواجهها دلوقتي هي التضخم، اللي بيخلي أسعار السلع الأساسية تزيد بشكل سريع، والناس بتحس بقوة الزيادة دي في مصروفاتهم اليومية، وده بيضغط على ميزانياتهم وبيخليهم يضطروا يقللوا من مصروفاتهم.
مش بس كده، البطالة بقت مشكلة كبيرة جداً الشباب اللي خلصوا من الجامعة بيواجهوا صعوبة في العثور على وظائف، وده بيؤثر على طموحاتهم ومستقبلهم. واللي أثر على العديد من الأسر وزاد من الضغط الاقتصادي.
بالإضافة للدين العام لمصر زاد بشكل كبير، وده بيؤثر على قدرة الحكومة على تنفيذ مشروعات تنموية وخدمات عامة، وكذلك الضغوط المالية على الحكومة زادت، وده بيتطلب سياسات اقتصادية صعبة وتحسين في إدارة الموارد المالية.
بصراحة الوضع مش سهل ومفيش حلاً سحرى، بس ممكن تخفيف الأزمة عن طريق دعم القطاعات الإنتاجية، وزيادة الاستثمار في مشروعات تنموية، وتطوير التعليم والتدريب لزيادة فرص العمل، وطبعاً الشفافية ومكافحة الفساد لازم تكون جزء من أى حل محتمل، وده اللي لخصه الرئيس فى كلمتين لابد ان نعمل جميعاً يداً في يد لبناء بلدنا والتقدم بها للأمام.
وفي النهاية مصر بلد عظيم وأهلها أقوياء، بالتعاون والجهد المشترك ممكن تتخطى مصر هذه الأزمة وتستعيد نموها واستقرارها.