وجّه الإعلامي أحمد موسى رسالة للمصريين، محذرًا من شراء خطوط هاتفية لأي لاجئ، مؤكدًا أن هذا الفعل قد يعرّض صاحبه للمساءلة القانونية.
تحذير من شراء خطوط
وقال موسى خلال برنامج «على مسئوليتي» على قناة «صدى البلد»، مساء الأربعاء، إن مصر تضم نحو 10 ملايين لاجئ، مشيرًا إلى وجود إجراءات تُتخذ حاليًا بشأن بعضهم.
مساءلة قانونية
وأضاف: «في ناس بتتلغى إقامتهم، فينقلوا إقامتهم وبيرحلوا لمكان آخر، وبيطلبوا من حد من الجيران إنه يجيب له خط تليفون».
خط بالبطاقة
وأوضح: «أنا بقول للناس اوعى تجيب له خط تليفون، لو عملت كده تتعرض للمساءلة القانونية، خط التليفون بقى بالبطاقة الشخصية، لازم ناخد بالنا من هذا الأمر، لا تساعد أي شخص إقامته انتهت».
لا تساعد المخالفين
وتابع موسى: «متعملش خط تليفون لحد غير نفسك، انت تعرف هيستخدم التليفون في إيه؟ انت بتساعد حد الدولة لغت إقامته وقررت إنه يمشي. نصيحة: محدش يعمل خط تليفون لأي لاجئ أو ضيف، لا تساعدوا أي شخص إنه يتهرب من أي إجراءات الدولة بتاخدها، ساعدنا وشيلنا 14 سنة ومش نافع، إحنا بنعمل عشان نرضي ربنا ومهيمناش البشر».