قال الرئيس عبدالفتاح السيسي، موجهًا حديثه لوزير الزراعة، السيد القصير: “نتكلم في الكميات، أنا كاتبها قدامي، في حاجات أنت مش حاططها ليه؟ الـ60 ألف فدان مابيتحسبوش عندك؟ أنت قلت توشكى وشرق العوينات وسيوة، فين بقى كوم أمبو؟”.
وأضاف خلال جلسات اليوم الثاني، من مؤتمر “حكاية وطن”: “أنت في الأرقام اللي ذكرتها في تكلفة الاستصلاح قلت الفدان بيتكلف 250 ألفا وأنت بتتكلم في 4 ملايين فدان، يعني تريليون جنيه، أنت كاتبهم ليه قليل كدة؟”.
العام الزراعي
وتابع: “بتتكلم في 4 ملايين فدان، معالى الوزير عارف كويس أوي حاجته بصراحة يعني، بس هو بيتكلم عن اللي هيدخل حيز الإنتاج خلال العام الزراعي دا هو اللي عاوز يتكلم عليه، إحنا بنتكلم على اللي إحنا مخططينه خلال بالكتير سنة ونص أو سنتين، لو بتتكلم عن إنك تضيف 4 ملايين فدان في أرض ظروف مصر فيها، معندناش مياه ممطرة على مدار العام 8 أو 9 أشهر أي حتة هنصلحها تزرع زي ما انت ذكرت علشان نعمل في توشكى المشروع بتقول حائط صخري، الـ7 كم، وفضلوا موقفين المشروع العشرين سنة اللي فاتوا، ليه متقولش تريليون جنيه، إحنا مبنقولش حاجة أبدًا مش صادقة، الرقم اللي قلته في الأول أنا اتخضيت، قلت مش عاوز يقول الفلوس ليه؟”.
ويشهد الرئيس عبد الفتاح السيسى جلسة بعنوان “التحول الرقمى وحوكمة قطاع التموين”، فى إطار فعاليات اليوم الثانى من مؤتمر “حكاية وطن.. بين الرؤية والإنجاز”، المنعقد بالعاصمة الإدارية الجديدة. وذلك بحضور الدكتور عمرو طلعت وزير الاتصالات وتكنولوجيا المعلومات، والسيد القصير وزير الزراعة.